Ka Nopsak Pen – Lyrics
Verse 1
Nangma khephung ah, ka lungtang sung khia’n
Nong lawn ding ngak in, kong zuan hi
Nang tawh ki khawl in, Nang tawh holim in
Nong itna thusut mah nuam pen
Pre-Chorus
Itna mit tawh Nong et ka muh ciang’n
Tel zawh loh nopna’n ka sung hong dim
Itna khut tawh Nong let ka theih ciang’n
Ka tha Nong hatsak hi
Chorus
Kei tawh hong om khawm Pasian
Ka puk ciang’n Nong phongto hi
Itna leh hehpihna tampi te
Kei Nong piak thuah lai hi
Muvanlai bang ka hat nang’n
Thupha namkim Nong pia hi
Na ang sung bittak Nong kem
Ka hih na khempeuh tawh kong bia hi
Ka To Zeisu
Verse 2
Na omna mun ah, om leng nuam semsem
Nong hopihna aw khum semsem
Haksat buaina te Na vaangliatna hang’n
A vekpi’n tuisuak khin zo ta