Lungnopna Kicing – Lyrics
Verse 1
Ka neu lai in lian leng lungnuam ding ki sa’n
Ka khan khit hang lungnopna nei theih tuan lo
Pitek putek ten lungnopna nei tuan lo
A dah leh lungzuan toh sih ding manoh hi
Chorus
Lungnopna kicing lungnopna
Zeisu sung om hi lungnopna
Na neih ciang, Zeisu na neih ciang
Lungnopna kicing na ngah ding
Verse 2
Leitung hauhna’n lungnop hong pia thei ding sa’n
Ka tha neih sung teng hauhna zonna’n ka zang
Hih hang mi hau ten lungnopna nei tuan lo
Lunggim in zan ihmut mohna tam zaw hi
Verse 3
Leitung pilna lungnop hong pia thei ding sa’n
Ka hun neih sung teng pilna zonna’n ka zang
Hih hang mipil ten lungnopna nei tuan lo
A dah leh lungzuan toh sih ding manoh hi
Verse 4
Leitung siamna’n lungnop hong pia theih ding sa’n
Ka khuak neih sun teng siamna sinna’n ka zang
Hih hang misiam ten lungnopna nei tuan lo
Lungsim ngaih sut zawngkhal in sih ding ngak hi