Na Ang Liim – Lyrics
Verse 1
Na hoihna tawh, kei nong tuam ciang
A hoih lo pi, hoih ka tanna hi
Nong itna mit, tawh kei nong et ciang
Midik tang ing
Ki lawmlo pi, mite mai ah
Ka din ngamna, Nang mah vang hi
Tual niam pen te, hong ki khawlh pih
Nong angvan hi
Verse 2
Liim bang belh ding, ka neih loh hang
Ka khamuanna, nang mah hang hi
Ka khualzinna, cimtak lo in
Nong tonpih maw
Ka lei mit tawh, kong muh loh hang
Ka khut tawh kong, lawn theih loh hang
Nong ompihna, kei nong lawnna
Ka kha in tel
Chorus
Nuam zung zung e
Nang tawh ki khawlh, mah nuam penpen e
Lunggim singim na vangikte
Nong lak khiat sak
Nui in kap in lam in diang in
Lungnop suaktak na ka ngah theihna
Mun dang hi kei
Topa na ang liim sung bek hi