Nong Thei – Lyrics
Verse 1
Hoih lohna kicin lohna tawh kidim
Pau banna tawh kidim ka nunna
Hong en khial ngei lo Zeisu
Thupha tampite ka san theihna in
Kei hoihna kilawmna hang hilo
Kei nong Itna hang bek hi
Chorus
Ka lungsim ngaihsut nate nong tel lua
Ka pulak khiat ngam loh
Ka lunggulhna nong thei
Ka khituite deihna nong telpih a
Nong phawk bang kei leltak
Hong phawk om kei
Nong it bang kei leltak
Hong it om kei Zeisu
Leimi zalai ah, kei nong it penpen hi
Verse 2
Lawhsapna guallelhna khat ka tuah ciang
Miten ka mawhna ding hong zon ciang
Hong mawhsak ngei lo Zeisu
Kei ading asia pen hong kigel ciang
A hoihpen gelna tawh nong zawhpih
Nong puah nong zuunna lamdang
Verse 3
U Leh nau suan leh muan ding om loh ciang
Kim le pam nung leh mai hong bin ciang
Lam hong honsak den Zeisu
Ka lauh ciang ka gei ah nong dinpih a
Ka kihtaak ciang ka mai ah nong pai
Ka hatloh hun ciang nong pua