Pasian’ Tanu – Lyrics
Verse 1
Ka nuntakna ka et ciang
Lungkiat loh nang ah lungkia kha in
Cing lo kisa, vangik pua in
Man nei lo kisa, thanem kha ing
Pre-Chorus 1
Ka aw kiza lo, ngaihpi’n ka pau hang
Ka sep kimu lo, nakpi’n ka bawl hang
Chorus 1
Man neilo kisa in ka om maw
Zeisu’n a si tawh kei hong lei zo, ve leh
Singlamteh tung hong sih laitak in maw
Zeisu’ lungsim ah kei ka om zen ve leh
Hong bawl a lim leh mel sun in
Zeisu bek ka kicinna hi
Lauh ding bangmah nei nawn keng
Kei Pasian’ tanu hi ing
Kei Pasian’ tanu hi ing
Verse 2
Hun leh nite ki hei in
Khuahun ki dang, pallai ni hong kiam
Nunlui sial in mite eng kha in
Man neilo kisa, thanem kik ing
Pre-Chorus 2
Leitung hong muhna a kidang phial zong
Topa hong itna ki zom pai suak den
Bridge
Abba Pa aw
Na angsung ah tawldam hithiat ning
Nisim naisim
In nang tawh hong ki nai den nuam ing
Ka ta aw ci’n
Nong sam khin zo
Ling nawn kei ning