Tuunnu Aw Lungdam Ing – Lyrics
Verse 1
Tuunnu aw nong itna
Tehpih theih ding om kei
Simlei ah kei nong it bang
Hong it om kei
Gual tawh tan bang kim na’ng
Pilna sang nong kah sak a
Nong itna, nong deihsakna te lian lua e
Chorus
Tunnu aw lungdam ing
Nang bang nu kong neih khak man
Simlei ah kei nong it bang
Hong it om kei
Laisiangtho hong sinpih in
Sian sinthu tawh nong pattah
Nu aw nong deihsakna te ki cing hi
Verse 2
Zingsang phal hong vak ciang
Ka ta aw tho in la
Biakinn sang va pai in ci’n
Kei nong phong den
Biakinn sung omdan ding leh
Sia te thu manzia ding
Nu aw nong hilh ciang in, ka thei pan hi
Verse 3
Haksatna’n kei hong tuam in
Buaina te’n kei hong nawk ciang
Laisiangtho hong simpih in
Tha nong guan den
Nitak ka lup ding ciang leh
Zingsang ka thawh ding ciang
Thu hong ngetsak den in thupha nong pia